16強開打德國轟炸尼日利亞

2019-06-22 10:17:33 来源:网络

女子世盃分組賽昨晨煞科,E組喀麥隆補時5分鐘絕殺得手,以2比1險勝新西蘭,成為4支小組成績最佳第3名之一,16強將鬥英格蘭;F組智利雖以2比0擊敗泰國,但因得失球差不及同獲3分嘅喀麥隆及尼日利亞,飲恨出局。今屆16強順利誕生,最激戲碼必數東道主法國硬撼巴西,勝方有機會喺8強鬥衞冕嘅美國;此外中國、日本亦處於同線,如果一齊晉級就會喺8強交鋒。

挪威澳洲火猛鬥攻
另一奪標熱門德國今晚16強鬥尼日利亞。尼日利亞只以小組第3名晉級,實力平平,而且佢哋分組賽對法國及挪威兩支歐洲隊都輸波,捧讓球主勝。(有線604台周六晚11時30分直播)至於尾場挪威同澳洲五五波,挪威分組賽場場有波入,不過澳洲前鋒薩曼花卻爾上場對牙買加食出「大四喜」,暫時同美國雅歷絲摩根並列神射手榜第1位,兩軍對攻入球大好路。

(周日凌晨3時開賽)